أسدد البطاقة ولا القرض أول؟
سؤال يسأله كل واحد عليه بطاقة وقرض بنفس الوقت. الجواب المختصر، والسبب، ومثال بالأرقام، والحالات اللي يتغير فيها الجواب.
الجواب المختصر
في أغلب الحالات: البطاقة أول. والسبب مو إن دينها أكبر، السبب إنها تزيد كل شهر. البطاقة تحسب أرباح على اللي باقي منها كل شهر، فكل ريال تسدده منها يوقف أرباح كانت بتنحسب عليه. أما القرض الشخصي أو تمويل السيارة، فأرباحه غالبًا محسوبة من أول يوم ومقسمة على الأقساط، فلو سددت منه زيادة ما توفر شي إلا إذا سويت سداد مبكر رسمي.
ليش البطاقة تختلف؟
أرباح متجددة
- الأرباح تنحسب كل شهر على الرصيد الباقي.
- كل ما سددت أسرع، دفعت أرباح أقل.
- الحد الأدنى صغير، فالدين يطول لو اكتفيت فيه.
أرباح ثابتة
- الأرباح محسوبة من البداية على كامل المدة.
- القسط ثابت، والمبلغ الباقي معروف.
- الدفع الزايد ما ينقص الأرباح إلا بسداد مبكر.
مثال بالأرقام
عليك بطاقة 9,000 ريال أرباحها 2% بالشهر، وتسدد منها 450. وعليك قرض باقي فيه أقساط ثابتة. وتقدر توفر 500 ريال زيادة كل شهر. وين تحطها؟
| وين تروح الـ 500 الزيادة | البطاقة تخلص بعد | أرباح البطاقة |
|---|---|---|
| على القرض | 26 شهر | 2,609 ر.س |
| على البطاقة | 11 شهر | 1,080 ر.س |
نفس المبلغ بالضبط، بس لما رحت فيه للبطاقة وفرت حوالي 1,500 ريال من الأرباح، وخلصت منها قبل بسنة وأكثر. ولما تخلص البطاقة، تحول الـ 950 كاملة للقرض.
جرّب أرقامك في حاسبة البطاقة.
متى ما تكون البطاقة أول؟
- لو البطاقة ما عليها أرباح، مثل فترة سماح أو تقسيط بدون أرباح. هنا ما فيه شي يستعجلك عليها.
- لو عليك قسط متأخر على أي دين. المتأخر أول، لأن التأخير يجيب رسوم ويأثر على سجلك الائتماني.
- لو عندك فرصة سداد مبكر للقرض بخصم كبير من الأرباح الباقية. اطلب من بنكك «مبلغ السداد المبكر» مكتوب، وقارن.
- لو الدين اللي للأهل والأصحاب له موعد وعدت فيه. الوعد دين. شوف كيف ترجع حق أهلك وربعك.
رتّب طابورك
- اكتب كل ديونكالباقي، والقسط، وهل الأرباح تزيد كل شهر أو ثابتة.
- كمّل كل الأقساطولا تتأخر على أي قسط، مهما كان صغير.
- الزيادة لأول الطابورالدين اللي أرباحه تزيد كل شهر وأعلى نسبة، غالبًا البطاقة.
- خلص؟ انقل قسطهقسط الدين اللي خلص يروح كامل للي بعده.
سهيل يرتب هالطابور عنك تلقائي: اللي ياكل أرباح أكثر يطلع أول، ويقول لك يوم الراتب كم تحط على كل واحد.
أسئلة
أسدد البطاقة الائتمانية ولا القرض الشخصي أول؟
غالبًا البطاقة، لأن أرباحها تنحسب كل شهر على الرصيد الباقي، فكل ريال تسدده منها يوقف أرباح. القرض الشخصي أرباحه ثابتة ومحسوبة من البداية، فالدفع الزايد عليه ما يوفر إلا لو سويت سداد مبكر رسمي. كمّل أقساط الاثنين، والزيادة حطها على البطاقة.
متى يكون القرض أول؟
لو البطاقة بدون أرباح (فترة سماح أو تقسيط بدون أرباح)، أو لو بنكك يعطيك خصم كبير على الأرباح الباقية إذا قفلت القرض بدري. اطلب مبلغ السداد المبكر مكتوب وقارن.
هل الدفع الزايد على القرض يقلل الأرباح؟
في أغلب القروض الشخصية لا، إلا إذا طلبت سداد مبكر رسمي. الدفع الزايد بدون طلب ممكن ينحسب كأقساط مقدمة. تأكد من بنكك.
الأرقام في هالصفحة تقدير مبسط للتوضيح، مو عرض من بنك أو جهة معينة، ومو نصيحة مالية. أرقامك الحقيقية في عقدك أو كشفك، وقبل أي قرار تأكد منها مع الجهة اللي عليك لها.