تمارا وتابي: متى تريحك ومتى تتراكم؟

ليش تريح، وليش تتراكم

خدمات «اشتر الحين وادفع بعدين» مثل تمارا وتابي تقسم المشتريات على أقساط صغيرة. قسط واحد بـ 150 ريال ما يحس فيه أحد. المشكلة تبدأ لما يصير عندك خمس أو ست مشتريات بنفس الوقت، كل وحدة بتاريخ مختلف، وكلها تطلع من نفس الراتب.

كم يطلع من راتبك كل شهر؟

اكتب كل قسط مفتوح عندك، وكم قسط باقي فيه. الحاسبة تجمعها لك شهر بشهر، وتقول لك متى يخف الحمل.

أربع قواعد تخليها في صالحك

1. حد أعلى للأقساطحدد مبلغ شهري للأقساط كلها، مثلًا 10% من راتبك، ولا تتعداه.
2. شراء جديد بعد ما يخلص قديملا تفتح قسط جديد إلا لما يقفل واحد.
3. اجمع التواريخاعرف كل قسط متى ينسحب، عشان ما يجيك خصم والرصيد ما يكفي.
4. اسأل نفسك سؤال واحدلو ما فيه تقسيط، كنت بشتريه الحين؟ لو الجواب لا، انتظر.

شروط كل خدمة، مثل رسوم التأخير وعدد الأقساط، تختلف وتتغير. اقراها في تطبيق الخدمة نفسها.

هل أعتبرها ديون؟

إيه. حتى لو بدون أرباح، القسط التزام عليك يطلع من راتبك. عشان كذا الأفضل تحطها مع باقي ديونك في خطة وحدة، وتشوف كم الأقساط كلها تاخذ من دخلك. جرّب حاسبة سداد الديون ومعها أقساطك.

في سهيل، تكتب أقساط تمارا وتابي مع القروض والبطاقات، وتشوف بالضبط كم تدفع أقساط كل شهر، وأي شهر يفضى فيه مبلغ تقدر تحطه على دين ثاني.

الأرقام في هالصفحة تقدير مبسط للتوضيح، مو عرض من بنك أو جهة معينة، ومو نصيحة مالية. أرقامك الحقيقية في عقدك أو كشفك، وقبل أي قرار تأكد منها مع الجهة اللي عليك لها.