كم أحتاج أوفر كل شهر؟
سيارة، زواج، دفعة أولى، أو سفرة الصيف. اكتب هدفك، وتعرف كم تحط على جنب كل شهر.
الحاسبة
اكتب كم تبي تجمع، وكم معك الحين، وبعد كم شهر تحتاج المبلغ. وتطلع لك القسمة الشهرية، ومتى يكتمل.
مثال: سيارة مستعملة، دفعة أولى، زواج، أو سفرة الصيف.
الفكرة: اقسم الهدف على الشهور
أي هدف، مهما كان كبير، يصير مبلغ شهري معقول لو قسمته على وقت كافي. سيارة مستعملة بـ 25 ألف، ومعك 3 آلاف، وتبيها بعد سنة؟ تحتاج قرابة 1,834 ريال بالشهر. ولو أعطيتها سنتين، يصير 917.
| الهدف | بعد 6 أشهر | بعد سنة | بعد سنتين |
|---|---|---|---|
| 5,000 ر.س | 834 | 417 | 209 |
| 15,000 ر.س | 2,500 | 1,250 | 625 |
| 30,000 ر.س | 5,000 | 2,500 | 1,250 |
المبالغ بالريال كل شهر، بدون أي عوائد أو أرباح على التوفير.
كيف توصل لهدفك فعلًا
- سمّ الهدف«سفرة الصيف» تحمسك أكثر من «توفير». وحط له تاريخ.
- ادفع لنفسك أوليوم الراتب، حوّل مبلغ الهدف لحساب ثاني قبل أي صرف.
- حساب منفصلاللي قدام عينك ينصرف. حط التوفير في حساب ما تشوفه كل يوم.
- المبالغ المفاجئةمكافأة أو زيادة؟ حط جزء منها في الهدف على طول.
«إذا وافقك الخير وافقه»جاك مبلغ زيادة؟ حطه في هدف على طول.
أوفر ولا أسدد ديوني أول؟
لو عليك بطاقة أرباحها تزيد كل شهر، غالبًا كل ريال عليها يوفر لك أكثر من أي توفير. بس صندوق طوارئ صغير يجي قبل كل شي، عشان أول مصروف مفاجئ ما يرجعك للبطاقة. شوف صندوق الطوارئ: كم تحتاج.
وبعد ما تخلص ديونك، الأقساط اللي كنت تدفعها هي نفسها توفيرك. في سهيل، بعد آخر ريال، نفس الدرب يكمل معك للتحويش.
أسئلة
كيف أحسب كم أوفر كل شهر؟
اطرح اللي معك من الهدف، واقسم الباقي على عدد الشهور لين تحتاجه. مثلًا 25,000 ومعك 3,000 وتبيه بعد 12 شهر: 22,000 ÷ 12 = قرابة 1,834 ريال بالشهر.
أوفر ولا أسدد ديوني أول؟
صندوق طوارئ صغير أول، بعدها الديون اللي أرباحها تزيد كل شهر مثل البطاقة، بعدها الأهداف. لأن أرباح البطاقة غالبًا أعلى من أي توفير.
الأرقام في هالصفحة تقدير مبسط للتوضيح، مو عرض من بنك أو جهة معينة، ومو نصيحة مالية. أرقامك الحقيقية في عقدك أو كشفك، وقبل أي قرار تأكد منها مع الجهة اللي عليك لها.