تمويل السيارة والدفعة الأخيرة: وش تسوي؟

وش هي الدفعة الأخيرة؟

كثير من عقود تمويل السيارات (خصوصًا التأجير المنتهي بالتمليك) فيها دفعة أخيرة كبيرة في نهاية العقد، وتسمى أحيانًا الدفعة المؤجلة أو Balloon. الفكرة إن جزء من قيمة السيارة يتأجل لآخر العقد، فالقسط الشهري يطلع أقل.

القسط الصغير مريح، بس الدفعة الأخيرة تجي في يوم محدد، وغالبًا تكون عشرات الآلاف. واللي ما يجهز لها، يلقى نفسه يدور تمويل جديد عشانها.

لما يقرب موعدها، عندك غالبًا أربع خيارات

الخيارات وشروطها تختلف من عقد لعقد. التفاصيل الصحيحة في عقدك، واسأل جهة التمويل قبل الموعد بشهور.

جهّز لها من اليوم

أسهل طريقة: اقسم الدفعة الأخيرة على الشهور الباقية، وحط المبلغ على جنب كل شهر في حساب ثاني. مثلًا دفعة أخيرة 30,000 ريال بعد 30 شهر، يعني 1,000 ريال كل شهر.

لو المبلغ الشهري كبير عليك، حتى نصه يفرق: يقل اللي تحتاج تقسطه، ويقل معه الأرباح الجديدة.

أسدد السيارة أسرع؟

مثل القرض الشخصي، أرباح تمويل السيارة غالبًا محسوبة من البداية. فالدفع الزايد ما يوفر إلا بسداد مبكر رسمي، أو بتجهيز الدفعة الأخيرة. شرحنا الفرق في القرض الشخصي: كيف تخلص منه أسرع.

وقبلها، شوف لو عندك بطاقة أرباحها تزيد كل شهر. غالبًا هي أولى بالزيادة: أسدد البطاقة ولا القرض أول؟

في سهيل

تضيف السيارة مع قسطها والدفعة الأخيرة وتاريخها، وسهيل يحسبها في خطتك ويقول لك كم تحط على جنب كل شهر عشان تجيك وأنت جاهز.

الأرقام في هالصفحة تقدير مبسط للتوضيح، مو عرض من بنك أو جهة معينة، ومو نصيحة مالية. أرقامك الحقيقية في عقدك أو كشفك، وقبل أي قرار تأكد منها مع الجهة اللي عليك لها.